Աբովյան քաղաքում բնակարանի սանհանգույցում հայտնաբերվել է 83-ամյա բնակչի դին
Հունվարի 19-ին, ժամը 14.40-ին ՀՀ արտակարգ իրավիճակների նախարարությունում ահազանգ է ստացվել, որ Կոտայքի մարզի Աբովյան քաղաքի 4-րդ Միկրոշրջան թաղամասի թիվ 5 շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. դուռը բացելու համար անհրաժեշտ է փրկարարների օգնությունը:
Ինչպես հայտնում են ԱԻՆ լրատվական ծառայությունից, դեպքի վայր է մեկնել մեկ մարտական հաշվարկ:
Փրկարարները բացել են Ռ. Շ.-ի բնակարանի դուռը և սանհանգույցում հայտնաբերել Ռ. Շ.-ի (1934 թ. ծնված) դին:










