Հրդեհ Երևանում գտնվող ալյումինի գործարանում. դեպքի վայր է մեկնել 6 մարտական հաշվարկ
ՀՀ արտակարգ իրավիճակների նախարարություն հունվարի 19-ին, ժամը 11.13-ին ահազանգ է ստացվել, որ հրդեհ է բռնկվել Երևանի Գրիբոյեդովի փողոցի թիվ 28 հասցեում գտնվող ալյումինի գործարանում:
Այս մասին հայտնում է ԱԻՆ կայքը։
Դեպքի վայր է մեկնել 6 մարտական հաշվարկ և ճգնաժամային կառավարման ազգային կենտրոնի ԱԻ արձանգանքման խումբը:
Հաշվարկներից չորսը անհրաժեշտությունը վերանալու պատճառով վերադարձվել են:
Պարզվել է, որ գլանման արտադրամասում այրվում է 1 հաստոց: Հրդեհը մեկուսացվել է ժամը 11.38-ին, մարվել՝ 11.52-ին:










