Փողոցներում երթևեկող ինքնագնաց մեքենաների թիվը 2020-ին կարող է հասնել 10 մլն-ի

Մի շարք համաշխարհային մեքենաշինական ընկերություններ արդեն ներկայացրել են իրենց ինքնագնաց մեքենաների առաջին մոդելները կամ նախատիպերը, որոնք մոտ ապագայում կհայտնվեն աշխարհի տարբեր քաղաքների փողոցներում:

Այդ ընկերությունների թվում են գերմանական Mercedes, BMW ընկերություններն ու ամերիկյան Tesla-ն և ոչ միայն: Ինչպես ներկայացնում է Business Insider-ը, տեխնոլոգիական ընկերությունները ևս փորձում են առաջին քայլերը կատարել ինքնագնաց մեքենաներ արտադրելու ոլորտում:

Նման փորձեր անցած տարի կատարել է Google ընկերությունը, որը մտադիր էր իր ինքնակառավարվող մեքենաները փորձարկել Կալիֆոռնիայում:

Ինքնագնաց մեքենաները և ինքնուրույն ընթացքի ռեժիմին անցնելու հնարավորություն համալրված մոդելները ֆուտուրիստական շուկայում չեն ներառված:

Ըստ մասնագետների` նմանօրինակ մեքենաները երթևեկության մեջ կսկսեն շահագործել արդեն 2019-ին: Նրանց հաշվարկներով մեկ տարում փողոցներում երթևեկող ինքնագնաց մեքենաների թիվը կարող է հասնել 10 մլն-ի: