Իմ կյանքի ընթացքում չի կարող լինել իգական սեռի ներկայացուցիչ, որն ասի, որ Արմեն Մարտիրոսյանն իրեն մատով կպել է. Արմեն Մարտիրոսյան

«Ժառանգություն» կուսակցության փոխնախագահ Արմեն Մարտիրոսյանը   Tert.am -ի հետ զրույցում հերքեց տեղեկատվությունը, թե երեկ կուսակցության վարչության նիստի ժամանակ  փորձել է ապտակել իր վաղեմի կուսակցական ընկերուհի Զարուհի Փոստանջյանին:

-Պարոն Մարտիրոսյան, ճի՞շտ է տեղեկությունը, որ փորձել եք ապտակել Զարուհի Փոստանջյանին:

- Մարդիկ ուզում են «ժառանգության» վրա սև PR անելով` գումար աշխատել, ընտանիք պահել, բայց  բարոյականության չափանիշները , նորմերը թող չանցնեն:

-Բայց չե՞ք փորձել  ապտակել:

-Ուրեմն,  իմ կյանքի ընթացքում չի կարող լինել իգական սեռի ներկայացուցիչ, որն ասի, որ Արմեն Մարտիրոսյանն իրեն մատով կպել է։

-Իսկ նիստը լարվա՞ծ էր անցնում:

-Բացարձակ լարվածություն չի եղել, հունից հանելու խնդիր չի եղել, հակառակը, շատ հանգիստ ես ու Զառան երեկ խոսել ենք:

-Հիմա նիստն այսօր ե՞րբ է շարունակվելու:

-Իսկ ո՞վ ասեց, որ շարունակվելու է:

-Իսկ ե՞րբ է քվեարկվելու  հարցը, ինչպես երեկ հայտարարվեց` բաց քվեարկությամբ:

- Երբ ամեն ինչ պարզ կլինի: Երեկ ընդամենը, այսպես ասած, ինֆորմացիայի օր էր:

-Այսինքն` որոշում կայացնելու է մասի՞ն է խոսքը` ինչպե՞ս եք մասնակցելու ընտրություններին:

-Երեկ որոշում կայացնելու խնդիր դրված չի եղել:

-Իսկ  հիմա ինչ` բոլորդ մնում եք Ձեր կարծիքի՞ն։ Դուք` Ձեր,  Զարուհին` իր, Րաֆֆի Հովհաննիսյանը` ի՞ր, թե՞ Րաֆֆի Հովհաննիսյանը Ձեր կարծիքն է պաշտպանում:

-Րաֆֆի Հովհաննիսյանը  իր  կարծիքը, իրեն լրագրողները բազմաթիվ հարցեր տվել են, հստակ շարադրել է:

-Չեն հասկացել լրագրողները:

Լավ էլ հասկացել են լրագրողները , բոլորն էլ լավ հասկացել են, մենք էլ` ես , Զարուհին, Րաֆֆի Հովհաննիսյանը, բոլորս մեր կարծիքը հայտնել են:

-Իսկ վերջնական որոշում կայացնելու ժամկետը ե՞րբ է:

-Վերջնական ժամկետ գոյություն չունի: Տրամաբանված ժամանակահատվածում որոշում կկայացվի:

- Չէ՞որ  կա ցուցակների խնդիր:

-Դրա համար ասում եմ` տրամաբանության շրջանակներում, չասացի` մինչև մյուս տարի:

-Իսկ հնարավո՞ ր է, որ մինչև փետրվար  «Ժառանգությունում» այս պրոցեսները շարունակվեն:

-Այո: