Լուկաշենկոն հայտարարել է, որ Բելառուսին «օտար ներգաղթյալներ» հարկավոր չեն

17:10 • 20.01.17

Բելառուսի նախագահ Ալեքսանդր Լուկաշենկոն հայտարարել է, որ երկրում ԵՄ-ի հետ ծրագրի շրջանակում ներգաղթյալների ժամանակավոր տեղակայման կենտրոնների ստեղծումը պետությունը ներգաղթյալների համար «տիղմազտիչի» չեն վերածի, «օտար ներգաղթյալներ» երկրին պետք չեն, գրում է «ՌԻԱ Նովոստի»-ն:


Բելառուսի ՆԳՆ-ն ավելի վաղ հայտնել է, որ Եվրահանձնաժողովը Մինսկին կհատկացնի 7 միլիոն եվրո՝ երկրում «Անօրինական ներգաղթյալների մեծացող հոսքի հետ կապված խնդիրների լուծման հարցում Բելառուսի աջակցություն» միջազգային տեխնիկական օգնության ծրագրի իրականացման համար: Ծրագրի շրջանակում աշխատանքի ուղղություններից մեկը լինելու է օտարերկրացի քաղաքացիների ժամանակավոր տեղակայման կենտրոնների ստեղծումը: Ընդ որում՝ խոսքը միայն օտարերկրացիների՝ երկրում ձերբակալված անօրինական ներգաղթյալների մասին է, կենտրոններում ԵՄ-ից սիրիացի կամ այլ երկրներից փախստականներ չեն տեղակայվելու:


«ԶԼՄ-ներում, ես տեսնում եմ, որոշ «գիտակներ» գոռում են, թե մենք քիչ է մնում, որ Բելառուսը «տիղմազտիչի» վերածենք: Ցանկանում եմ նախազգուշացնել, որ Բելառուսում ոչ մի «տիղմազտիչ» չպետք է լինի: Մեզ այստեղ օտար ներգաղթյալներ պետք չեն»,- ասել է Լուկաշենկոն:


Պետության ղեկավարի խոսքով՝ «եթե մեկը դրանում շահագրգռված է, ապա գումարները պետք է հատկացվեն ոչ միայն անօրինական ներգաղթյալների համար նման կետերի ստեղծման, այլև հետագայում այդ ներգաղթյալների արտաքսման համար»: «Մեզ այստեղ նրանք պետք չեն: Դա պետք է հաշվի առնել»,- նշել է Լուկաշենկոն: