Ջորջ Բուշի և անձրևանոցի «մենամարտը» զվարճացրել է համացանցի օգտատերերին
Երեկ Վաշինգտոնում տեղի է ունեցել ԱՄՆ 45-րդ նախագահ Դոնալդ Թրամփի երդմնակալության հանդիսավոր արարողությունը, որին ներկա է եղել նաև Միացյալ Նահանգների 43-րդ նախագահ Ջորջ Բուշ կրտսերը:
Արարողության ժամանակ անձրև է տեղացել, ուստի՝ հավաքված պաշտոնյաներին ու քաղաքական գործիչներին անձրևից պաշտպանող պարագաներ են բաժանել:
Դատելով լուսանկարներից՝ Բուշը փորձել է գլուխը ծածկել անձրևանոցով, սակայն խճճվել է ու վերջում բաց գլխով շարունակել նստած մնալ անձրևի տակ: Համացանցի օգտատերերի աչքից չի վրիպել նախկին նախագահի և անձրևանոցի միջև ծավալված «պայքարը», որում, ըստ օգտատերերի, «հաղթող» է դարձել նախկին նախագահը:
«Երդմնակալության ժամանակ տեսածս լավագույն պահն այն էր, երբ Ջորջ Բուշ կրտսերը փորձում էր գլուխ հանել անձրևանոցից»,-գրել է օգտատերերից մեկը:











