Վաշինգտոնում ցուցարարները կոտրել են Լարի Քինգի մեքենայի ապակիները
Հանրահայտ ամերիկացի հեռուստահաղորդավար Լարի Քինգը հայտնել է, որ ԱՄՆ նոր նախագահ Դոնալդ Թրամփի հակառակորդները Վաշինգտոնում կոտրել են իր մեքենայի ապակիները։ Այդ մասին նա գրել է Twitter սոցկայքում։
«Վաշինգտոնում ցուցարարները կոտրել են իմ՝ վարձակալած մեքենայի ապակիները, ինչպես նաև այլ մեքենաների ապակիները։ Ես աշխատում էի ստուդիայում, և ինձ հետ ամեն ինչ կարգին է, սակայն իմ վարորդը փոքր-ինչ վախեցած է»,- գրել է Քինգը։
Հունվարի 20-ին՝ ԱՄՆ 45-րդ նախագահ Դոնալդ Թրամփի երդմնակալության օրը, Վաշինգտոնում բախումներ են տեղի ունեցել Թրամփի հակառակորդների և ոստիկանության միջև։ Ձերբակալվել է ավելի քան 200 մարդ։










