Փորագրության տեխնիկա, որը մեղրախորիսխի տեսք է հաղորդում սպասքին (տեսանյութ)

Ճապոնացի Հարույա Աբեն զբաղվում է խեցեգործությամբ, և մարդիկ հիանում են ոչ միայն նրա աշխատանքի արդյունքով, այլև ստեղծագործական գործընթացով:

Boredpanda-ն գրում է, որ Աբեի փորագրության տեխնիկան հիմնված է հերձակ հիշեցնող գործիքի միջոցով ճենապակու վերևի շերտերը զգուշորեն քերելու վրա:

Վարպետը պարբերաբար կիսվում է ստեղծագործական գործընթացի մանրամասներով` հրապարակելով իր աշխատանքը ցուցադրող կարճ տեսանյութեր: Տաղանդավոր ճապոնացին արդեն ավելի քան 85 հազար հետևորդ ունի Instagram-ում:

Վերջերս հրապարակված տեսանյութում երևում է, թե ինչպես է խեցեգործը մանրակրկիտ աշխատանքի շնորհիվ մեղրախորիսխի տեսք հաղորդում սպասքին: