Հայաստանում 24 թիմ մրցում է Բարսելոնում 2017թ. կայանալիք Mobile World Challenge մրցույթում մասնակցության 3 տեղի համար

Beeline-ը Հայաստանում ուրախ է հայտարարել, որ այսօր 8 երկրներից ժամանած 24 հաղթող թիմ մրցելու է Երևանում կայանալիք Eurasia Mobile Challenge-ի եզրափակչում:

Eurasia Mobile Challenge-ը «ՎիմպելԿոմ»-ի կորպորատիվ պատասխանատվության «Make Your Mark» առաջադիմական ծրագրի նախաձեռնություններից է: Երևանյան միջոցառմանը 24 հաղթող թիմ պետք է ներկայացի իր թվային գաղափարները՝ 11 հոգուց բաղկացած ժյուրիի անդամներին, որի կազմում են համաշխարհային առաջատար կազմակերպությունների միջազգային և տարածաշրջանային թվային ոլորտի ձեռներեցներ, գլոբալ ինվեստորներ և «ՎիմպելԿոմ»-ի բարձրաստիճան ղեկավարներ:

«ՎիմպելԿոմ»-ի Եվրասիա միավորի գլխավոր գործադիր տնօրեն Միխաիլ Գերչուկը նշեց. «Այս տարվա եզրափակիչի մասնակիցներն ընտրվել էին մոտ 1,000 թիմերի շարքից, որը կրկնապատկում է նախորդ հետաքրքրությունը Eurasia Mobile Challenge-ի նկատմամբ: Տարածաշրջանային եզրափակչից հետո հաղթող թիմերը Եվրասիան կներկայացնեն Բարսելոնում կայանալիք բջջային կապի համաշխարհային կոնգրեսի Global Mobile Challenge եզրափակչում: Որպես ընկերություն մեր նպատակն է տեսանելիություն հաղորդել իրենց տեսակի մեջ լավագույն նախաձեռնություններին և նպաստել վերջնական օգտագործողների շրջանակում դրանց կիրառմանը»:

«Մենք տպավորված ենք այն խանդավառությամբ և աշխուժությամբ, որ նկատել ենք մրցող թիմերի մոտ: Ավելի քան համոզված ենք, որ ժամանակակից և ճկուն մտածելակերպով և թվային նորարարությունների ուղղությամբ կենտրոնացած այս երիտասարդները կարող են դառնալ այս ոլորտի հաջորդ խոշոր բջջային ֆենոմենը, ուստի ցանկանում ենք լինել այս բիզնես մոտեցման և պրոդուկտների փոխակերպման էպիկենտրոնում: Եկեք հաջողություն մաղթենք նրանց Բարսելոնի  Global Mobile Challenge եզրափակչում», - նշեց Հայաստանում Beeline-ի Գլխավոր տնօրեն Անդրեյ Պյատախինը:

Տարածաշրջանային եզրափակչից հետո երեք հաղթող թիմերը կներկայացնեն Եվրասիան Բջջային կապի համաշխարհային կոնգրեսի շրջանակում կայանալիք եզրափակչում, որը տեղի կունենա 2017 թ. փետրվարի 27-ից մինչև մարտի 2-ը Բարսելոնում:

Մասնակից թիմերն են.

·                 Հայաստան: Earlyone

·                 Հայաստան: Terreva

·                 Հայաստան: Certifire

·                 Վրաստան: Augep

·                 Վրաստան: Treepex

·                 Վրաստան: Persomedic

·                 Ղազախստան: AgroShield

·                 Ղազախստան: 20tonn

·                 Ղազախստան: Torgai

·                 Ղրղըզստան: Kamp

·                 Ղրղըզստան: Donate-Asia.org

·                 Ղրղըզստան: CharbaKG

·                 Ռուսաստան: Simple Invest

·                 Ռուսաստան: Smart Parking

·                 Ռուսաստան: ConfBot

·                 Տաջիկստան: Repetitor

·                 Տաջիկստան: People’s Monitor

·                 Տաջիկստան: Doverto

·                 Ուկրաինա: Photofact

·                 Ուկրաինա: Online Lost & Found Luckfind.me

·                 Ուկրաինա: inCust

·                 Ուզբեկստան: Fixit

·                 Ուզբեկստան: MyApteka

·                 Ուզբեկստան: Smartup

Մրցույթի մասին վերջին տեղեկություններին ծանոթանալու համար այցելեք. www.eurasiamobilechallenge.com.