Ford F-150 պիկապը վերածել են կաբրիոլետի (տեսանյութ)

Ամերիկյան Newport Convertible Engineering թյունինգային ընկերությունը, որը մասնագիտանում է սերիական մոդելները կաբրիոլետների վերածելու գործում, փորձարկման է ենթարկել Ford F-150 պիկապը` ներկայացնելով մոդելի ծալովի տանիքով տարբերակը:

Ինչպես հայտնում է Motor.ru-ն, ընկերության հրապարակած տեսանյութի համաձայն` մեքենայի տանիքը հավաքվում է 12 վայրկյանում: Միևնույն ժամանակ ծալված վիճակում տանիքը ծածկում է բեռնատար հատվածի մի մասը:

Մեքենան կառուցվել է 2017 թվականի մոդելի հիման վրա, որը զինված է 375 ձիաուժ հզորություն զարգացնող 6 մխոցային  շարժիչով և 10 աստիճան ավտոմատ փոխանցման տուփով: Թյունինգային մոդելի արժեքը չի հաղորդվում:

Ford F-150 հիմնական մոդելն առաջին անգամ ներկայացվել է այս տարվա հունվարին` Դետրոյթի ավտոսրահում: