Եղանակն՝ այսօր
Ստամբուլում կտպագրվի Սարոյանի «Իմ անունն Արամ է» պատմվածքների ժողովածուի թուրքերեն թարգմանությունը
Ստամբուլում գործող «Արաս» հայկական հրատարակչությունը շուտով վաճառքի կհանի ամերիկահայ գրող Վիլյամ Սարոյանի «Իմ անունն Արամ է» պատմվածքների ժողովածուի թուրքերեն թարգմանությունը:
Այս մասին հայտնում է հրատարակչության պաշտոնական կայքէջը:
Գիրքն առաջին անգամ տպագրվել է 1940 թ-ին ՝ անգլերենով։ Պատմվածքները հայ արմատներ ունեցող տղայի՝ Արամ Գարօղլանյանի, և իր հարազատների մասին է, որոնք բնակվում են ԱՄՆ-ի Ֆրեզնո քաղաքում։
«Արաս» հրատարակչությունը հիմնադրվել է Ստամբուլում՝ 1993թ.-ին: Հրատարակչությունը կարճ ժամանակում կարողացել է շատերի համար դառնալ «պատուհան» դեպի հայկական գրականություն, քանի որ զբաղվում է հայ դասականների, հայոց պատմության և Հայոց ցեղասպանության վերաբերյալ բազմաթիվ գրքերի թուրքերեն թարգմանությամբ՝ հասանելի դարձնելով այն թուրքական հասարակության բոլոր խավերին:
Հրատարակչությունն ունի նաև արևմտահայերենով հրատարակված գրքեր:
Studio One