LG-ն «անեզր» էկրանով սմարթֆոն է ստեղծել (տեսանյութ)

Հարավկորեական LG տեխնոլոգիական ընկերությունը ստեղծել է նոր սերնդի G6 սմարթֆոնը, որն առանձնանում է «անեզր» էկրանով:

Ինչպես նշում է The Daily Mail-ը, դատելով հրապարակված լուսանկարից՝ էկրանը տարածվում է հեռախոսի առջևի հատվածով մեկ, ինչի արդյունքում կառավարման բոլոր կոճակները տեղափոխվել են հետին պատի վրա:

Նորույթի պաշտոնական շնորհանդեսը կայանալու է փետրվարի 26-ին՝ Բարսելոնայում մեկնարկելիք Mobile World Congress տեխնոլոգիական ցուցահանդեսի ժամանակ:

Ենթադրվում է, որ սմարթֆոնը կլինի ջրակայուն, կարժենա 600 դոլար և վաճառքում կհայտնվի մարտից: