9 էլեկտրական ամենագնացներ, որոնք շուկայում կհայտնվեն մինչև 2020 թվականը

Էլեկտրամեքենաներ արտադրող ամերիկյան Tesla ընկերությունն առաջիկա տարիներին առավել մեծ մրցակցության կհանդիպի, քանի որ համաշխարհային մեքենաշինական հսկաները պատրաստվում են ներկայացնել իրենց սեփական ինքնագնաց մոդելները:

Այս մասին գրելով` Business Insider-ը ներկայացնում է 9 էլեկտրական արտաճանապարհայինները, որոնք շուկայում կհայտնվեն մինչև 2020 թվականը:

1. Jaguar I-PACE

Բրիտանական արտադրողն իր էլեկտրական մոդելը ներկայացրել է Լոս նջելեսի ավտոսրահում նոյեմբերին: Այն շուկայում կհայտնվի 2018-ին: Առանց վերալիցքավորման մեքենան կկարողանա 354 կմ տարածություն անցնել, իսկ 100 կմ/ժամը կզարգացնի 4 վայրկյանում: Մեքենայի արժեքը սկսվում է 50 000 դոլարից:

2.Mercedes EQ

Գերմանական արտադրողն իր էլեկտրամոդելը գաղտնազերծել է Փարիզի ավտոսրահում սեպտեմբերին, իսկ շուկայում այն կհայտնվի 2019-ին: Առանց վերալիցքավորման մեքենայի ընթացքը կկազմի 498 կմ, իսկ արժեքը կկազմի 39 150 դոլար:

3.Audi e-tron Quattro

Audi-ի ամբողջովին էլեկտրական մոդելը ներկայացվել է դեռևս 2015-ի սեպտեմբերին, իսկ շուկայում կհայտնվի 2018-ին: Այն ևս 498 կմ ընթացք է ապահովում առանց վերալիցքավորման, իսկ 100 կմ ժամը զարգացնում է 4.6 վայրկյանում:

4.BMW X3 SUV

Բավարական ընկերության այս մոդելը շուկայում կհայտնվի 2020-ին, իսկ 2019-ին կթողարկվի էլեկտրական Mini Cooper մոդելը:

5.Ford SUV

Ամերիկյան էլեկտրական ամենագնացը կկարողանա 482 կմ տարածություն անցնել մեկ լիցքավորմամբ:

6.Bentley

Բրիտանական արտադրողը ևս մտադիր է առաջիկա մի քանի տարում իր մոդելային շարքը համալրել էլեկտրական արտաճանապարհայինով:

7.Hyundai

Հարավկորեական արտադրողը մտադիր է իր էլեկտրական մոդելը թողարկել 2018-ին: Այն 321 կմ տարածություն կանցնի առանց վերալիցքավորման:

8.Volkswagen

Ընկերությունը մտադիր է 30 էլեկտրական մեքենա վաճառել 2025-ին: Իսկ առաջին մոդելը կթողարկվի 2020-ին:

9.Tesla

Ամերիկյան արտադրողը մտադիր է էլեկտրամեքենաների շարքը համալրել կոմպակտ ամենագնացով: