Մարկ Վարդանյանն ԱՄՆ է արտահանձնվել կիբերհանցանքների մեղադրանքով

Ռուսաստանի քաղաքացի հայազգի Մարկ Վարդանյանը Նորվեգիայից ԱՄՆ է արտահանձնվել կիբերհանցանքների մեջ մեղադրանքով, հայտնում է ՌԻԱ Նովոստի գործակալությունը։

Վարդանյանը, ով ավելի հայտնի է Kolypto կեղծանունով, արտահանձնվել էր դեռևս անցյալ տարվա դեկտեմբերին, սակայն մարտի 14-ին է կանգնել դատարանի առջև։

Մարկին մեղադրանք է առաջադրվել Citadel վտանգավոր ծրագրի մշակման համար, որի միջոցով հաքերները վնաս են հասցրել ողջ աշխարհում բազմաթիվ ընկերությունների և անհատների։

«Վարդանյանի կալանավորումը խաղադաշտից հանել է լուրջ դերակատարի, ով մասնակցել է վտանգավոր ծրագրերի մշակմանը, դրանց կատարելագործմանն ու տարածմանը»,- հայտնել են ԱՄՆ պատկան մարմինները: