Պորտուգալացի մասնագետ Ժոզե Մոուրինյու. Մանչեսթեր Յունայթեդի ֆուտբոլիստները պայքարելու են մինչև վերջ

19:19 • 26.04.17

Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյուն խոսել է Պրիմիեր լիգայի 26-րդ տուրից` «Մանչեսթեր Սիթիի» հետ հետաձգված խաղի մասին, ինչպես նաև անդրադարձել է շվեդ հարձակվող Զլատան Իբրահիմովիչի վնասվածքին:

 

«Իմաստ չկա մրցաշարային աղյուսակում առաջ անցնել «Մանչեսթեր Սիթիից», սակայն չհայտնվել քառյակում: Նույնիսկ այն իրավիճակը, երբ «քաղաքայինները» կզբաղեցնեն երրորդ տեղը, իսկ մենք` չորրորդն, ավելի լավ է: Հավատում եմ տղաներիս: Նրանք պայքարելու են մինչև վերջին վայրկյանը:

 

Ինչ վերաբերում է Իբրահիմովիչի ապագային, ապա նրան լուրջ վիրահատություն է սպասվում և ապաքինման երկար ժամանակ: Զլատանը հոգեբանորեն շատ ուժեղ է: Նա կկանգնի միայն այն ժամանակ, երբ ինքը ցանկանում դա»,- պորտուգալացի մասնագետի խոսքը մեջբերում է «Mirror»-ը:

 

Հիշեցնենք, որ Զլատան Իբրահիմովիչը ստացված ծնկի խաչաձև կապանների կտրվածքի պատճառով վիրահատության կենթարկվի և կարող է բաց թողնել մինչև 9 ամիս: