ԻՊ առաջնորդ Ալ Բաղդադին փախել է Մոսուլից՝ մենակ թողնելով զինակիցներին. Al Arabiya
«Իսլամական պետություն» (ԻՊ) ահաբեկչական խմբավորման առաջնորդ Աբու Բաքր ալ Բաղդադին փախել է իրաքյան Մոսուլ քաղաքից՝ մահվան առաջ մենակ թողնելով իր զինվորներին, հայտնում է Al Arabiya-ն՝ վկայակոչելով իրաքցի գեներալ Մաալ ալ Սաադին:
Վերջինի խոսքով՝ Ալ Բաղդադին փախել է անհայտ ուղղությամբ ու, հնարավոր է, ծրագրում է նոր ահաբեկչություններ:
Սաադին հավելել է, որ այժմ Իրաքի կառավարական բանակը փորձում է Մոսուլն ազատագրել ԻՊ-ից: Նա մանրամասնել է, որ քաղաքի զգալի մասը մաքրված է իսլամիստ ահաբեկիչներից:
Հայտնի է, որ Ալ Բաղդադին մարտին հայտարարել էր, որ խմբավորումը պարտություն է կրում Իրաքում:










