Ռոնալդուն կարող է ազատվել հարկերից խուսափելու համար սահմանված պատժից

20:35 • 13.05.17

Մադրիդի «Ռեալի» և Պորտուգալիայի ազգային հավաքականի հարձակվող Կրիշտիանու Ռոնալդուն կարող է խուսափել պատժից հարկերի վճարումից խույս տալու համար:

Ինչպես հաղորդում է Gazeta.ru-ն` վկայակոչելով իսպանական աղբյուրը, Ռոնալդուի գործի մանրամասները դեռևս հայտնի չեն, սակայն պատիժ կրելու ժամկետն արդեն սպառվում է:

Նշվում է, որ պորտուգալացու նկատմամբ հետաքննությունն սկսվել է 2015-ի դեկտեմբերին: Դատախազը պետք է բողոք ներկայացնի մինչև հունիսի 30-ը, այլապես բոլոր մեղադրանքները կհանվեն:  

Ավելի վաղ հայտնի էր դարձել, որ 31-ամյա պորտուգալացին 150 մլն եվրոյի հարկ է թաքցրել իր գործակալ Ժորժ Մենդեսի կազմած համակարգով: Ավելի ուշ Մենդեսի ընկերությունը հայտարարություն է արել, որ Ռոնալդուն ամբողջությամբ կատարել է հարկային պարտավորությունները: