Լուկաշենկոն Պեկինում ընթացող համաժողովին է գնացել 12-ամյա որդու հետ (լուսանկարներ)
Բելառուսի նախագահ Ալեքսանդր Լուկաշենկոն որդու՝ 12-ամյա Նիկոլայի հետ ժամանել է Պեկին, որտեղ ընթանում է «Մեկ գոտի՝ մեկ ուղի» միջազգային համաժողովը:
Ինչպես նշում է gazeta.ru-ն, որդին նախագահին ուղեկցել է համաժողովի բացման հանդիսավոր արարողության ժամանակ: Նրանք միասին լուսանկարվել են Չինաստանի ղեկավար Սի Ձինփինի ու նրա տիկնոջ հետ:
Նշվում է, որ Նիկոլայը Չինաստանի առաջին տիկնոջը զարդատուփ է նվիրել, ինչից հետո կինը համբուրել է տղայի այտերը:
Նշենք, որ սա առաջին դեպքը չէ, երբ Լուկաշենկոն որդուն իր հետ է վերցնում օտարերկրյա այցելությունների ժամանակ:













