Ստուգվելու են բոլոր գազալցակայաններն անխտիր. Դավիթ Տոնոյան (տեսանյութ)

13:30 • 28.05.17

Բենզագազալցակայանները ստուգելու աշխատանքները նախապատրաստական փուլում են: Լրագրողների հետ զրույցում այս մասին ասաց Արտակարգ իրավիճակների նախարարի պաշտոնակատար Դավիթ Տոնոյանը:

 

Հարցին՝ ինչո՞ւ եք դժվարանում սկսել ստուգումները, նա պատասխանեց, որ չեն դժվարանում, պարզապես ստուգումներն իրականացնելու համար նախապատրաստական աշխատանքներ են հարկավոր, սարքավորումներ:

 

«Ավելի շատ դա ոչ թե ստուգում է լինելու, այլ՝ վերահսկողություն ճնշման ու կատարված աշխատանքի որակի վրա»,- ասաց Դ. Տոնոյանը:

 

Նախարարը հավաստիացրեց, որ անկողմնակալ ստուգելու են բոլորի գազաբենզալցակայանները և խախտումներ հայտնաբերվելու դեպքում դրանց աշխատանքը դադարեցվելու է՝ մինչև թերացումները չշտկվեն: