Թրամփը հայտնել է, որ Իրանը ոչ մի պարագայում չպետք է միջուկային զենք ունենա

03:09 • 28.05.17

ԱՄՆ նախագահ Դոնալդ Թրամփը հայտնել է, որ Իրանը ոչ մի պարագայում չպետք է միջուկային զենք ունենա, փոխանցում է ՏԱՍՍ լրատվական գործակալությունը:

Իտալիա իր արտասահմանյան այցի ժամանակ ելույթ ունենալիս Թրամփը հիշեցրել է, որ իր առաջին արտերկրյա շրջագայությունը եղել է Սաուդյան Արաբիա, որտեղ նա հանդիպել է իսլամական շատ երկրների ղեկավարների հետ:


«Մենք հաստատեցինք, որ Իրանը երբեք և ոչ մի դեպքում չպետք է միջուկային զենք ունենա»,- ասել է Թրամփը՝ հավելելով, որ մահմեդական երկրների ղեկավարները պատրաստ են ավելի լուրջ դեր ստանձնել ահաբեկչության դեմ պայքարում: