Թրամփն առաջարկել է օգտատերերին գուշակել «covfefe» բառի նշանակությունը

16:17 • 31.05.17

ԱՄՆ նախագահ Դոնալդ Թրամփն անդրադարձել է Twitter սոցիալական ցանցում իր սխալներով հրապարակմանը:


«Ո՞վ կարող է գուշակել, թե ինչ է նշանակում «covfefe»-ն: Վայելե՛ք»,- գրել է նախագահը Twitter-ում:


Ավելի վաղ Թրամփը Twitter-ում կիսատ, վրիպակներով հաղորդագրություն էր հրապարակել, որն օգտատերերը տարածել էին ավելի քան 100 հազար անգամ և որը ստացել էր մոտ 126 հազար հավանություն:


«Չնայած մշտական մամուլի բացասական քովֆեֆե («Despite the constant negative press covfefe)...»,- գրել էր Թրամփը:


Օգտատերերը մի քանի ժամ փորձել են գուշակել, թե ինչ է ցանկացել ասել Թրամփը։ Հավանաբար նա ցանկացել է գրել coverage բառը՝ նկատի ունենալով մամուլում իրադարձությունների լուսաբանումը։