Նյու Յորքում շինությունները կանաչով են «պատվել»՝ ի նշան Թրամփի կլիմայական որոշման դեմ բողոքի (լուսանկարներ)

11:12 • 02.06.17

Նյու Յորքի նահանգապետ Էնդրյու Կուոմոն հրահանգել է նահանգի մի շարք հայտնի շինություններին կանաչ լուսավորում տալ՝ ի նշան ԱՄՆ նախագահ Դոնալդ Թրամփի՝ Կլիմայական փոփոխությունների վերաբերյալ փարիզյան համաձայնագրից դուրս գալու որոշման դեմ բողոքի:

Ինչպես նշում է The Daily Mail-ը, նույնպիսի հրաման է տվել նաև Նյու Յորքի քաղաքապետ Բիլ դե Բլազիոն: Նրա կարգադրությամբ քաղաքապետարանը ևս կանաչ լուսավորում է ստացել:

Նյու Յորքի քաղաքապետն իր թվիթերյան էջում գրել է, որ Փարիզյան համաձայնագրից դուրս գալը մահացու սխալ էր:

Ինչպես ավելի վաղ հայտնել էր Tert.am-ը, Համաշխարհային առաջնորդներն արձագանքել են Միացյալ Նահանգների նախագահ Դոնալդ Թրամփի՝ Կլիմայական փոփոխությունների վերաբերյալ փարիզյան համաձայնագրից դուրս գալու որոշմանը՝ իրենց խոր հիասթափությունն ու ափսոսանքը հայտնելով այս առնչությամբ:

Թրամփի որոշման վերաբերյալ իրենց հիասթափությունն են հայտնել Գերմանիայի, Ֆրանսիայի, Իտալիայի, Կանադայի, Մեքսիկայի, Ճապոնիայի, Մեծ Բրիտանիայի, Նոր Զելանդիայի, Ավստրալիայի, Բրազիլիայի, Հնդկաստանի ղեկավարները, Եվրոպական միությունը, ինչպես նաև ՄԱԿ-ի գլխավոր քարտուղարը:

Մինչդեռ Վատիկանը հայտարարել է, որ Թրամփի քայլը «մեծ ապտակ էր Հռոմի պապի երեսին» ու «իսկական աղետ բոլորի համար»:

Հիշեցնենք, որ ԱՄՆ նախագահ Դոնալդ Թրամփը, ելույթ ունենալով Սպիտակ տանը, հայտարարել է Կլիմայական փոփոխությունների վերաբերյալ փարիզյան համաձայնագրից դուրս գալու որոշման մասին:

Ամերիկացի առաջնորդն ընդգծել է, որ ԱՄՆ-ն կարող էր 2.7 մլն աշխատատեղ կորցնել 2025 թվականին, եթե կատարեր 2015-ին կնքված համաձայնագրի պայմանները:

Փարիզյան համաձայնագիրը կնքվել է 2015 թվականի դեկտեմբերին, որի 195 մասնակիցները պայմանավորվել են թույլ չտալ մոլորակի վրա միջին ջերմաստիճանի բարձրացումն ավելի քան 2 աստիճանով: 

Հայտնի է, որ Կլիմայական փոփոխությունների վերաբերյալ փարիզյան համաձայնագրին չմասնակցող երկրները 3-ն են՝ ԱՄՆ-ն, Նիկարագուան և Սիրիան:

 

The antenna atop One World Trade Center in Lower Manhattan is lit up in green on the orders of New York Governor Andrew Cuomo on Thursday

One World Trade Center is owned by the Port Authority of New York and New Jersey, a government agency jointly controlled by the governors of the two neighboring states

The Kosciuszko Bridge linking Brooklyn and Queens was also specially lit in green 'to show our support for the Paris Accord and demonstrate New York's leadership role in protecting our citizens, our environment, and our planet,' Cuomo said in a statement

The Kosciuszko Bridge, which spans Newtown Creek and is accessible through the Brooklyn-Queens Expressway, is maintained by the New York State Department of Transportation

Another New York landmark in Lower Manhattan, City Hall, was also lit up in green late Thursday. Mayor Bill de Blasio tweeted a photo of City Hall on Thursday night