Ասադը նշել է, որ Սիրիայում վատագույնն արդեն անցյալում է

01:39 • 04.06.17

Սիրիայում դրությունը զգալիորեն բարելավվել է, քանի որ «Իսլամական պետություն» խմբավորման զինյալները նահանջում են,  հայտնել է Սիրիայի նախագահ Բաշար ալ Ասադը՝ ՏԱՍՍ լրատվական գործակալության փոխանցմամբ:

«Ահաբեկչական խմբավորումները կամ նահանջում են, կամ նրանց հսկողության տակ գտնվող տարածքները նվազում են։ Այսպիսով դաշտային իրավիճակը, ռազմական տեսակետից, հիմա շատ ավելի լավ է, քան նախկինում»,- հայտնել է Ասադը։


Սիրիայի նախագահը նշել է, որ Սիրիայում դրությունը կախված է ոչ միայն ռազմական գործողություններից, այլ նաև ուրիշ մի շարք գործոններից՝ այդ թվում ահաբեկիչների տարածած գաղափարախոսությունից ու քարոզչությունից:

Ամեն դեպքում Ասադը նշել է, որ վատագույնն արդեն անցյալում է։