Ավստրալական Օլբերիի օդանավակայանում ուղևորները դուրս են թռել ինքնաթիռից, երբ ռումբի մասին գրություն են հայտնաբերել
Ավստրալական Օլբերի քաղաքի օդանավակայանում ուղևորները դուրս են թռել ինքնաթիռից, երբ ինքնաթիռի զուգարանում տեղադրված ռումբի մասին գրություն են հայտնաբերել, հայտնում է Reuters գործակալությունը:
«Ոչինչ չի հայտնաբերվել, ոչ ոքի սպառնացող վտանգի չի եղել, միայն գրություն»,- ասել է ոստիկանության ներկայացուցիչը:
Ինքնաթիռում տարհանման ժամանակ եղել է 42 ուղևոր: Մի տղամարդ ձերբակալվել է:
ԶԼՄ-ները վկայակոչում են ականատեսներին, որոնք լսել են, թե ինչպես է մեկը հրահանգում թողնել ուղեբեռը, դուրս գալ և վազել: Ականատեսների խոսքերով՝ ուղևորները դուրս էին թռչում թռիչքուղու վրա:
Ավելի վաղ հաղորդվել է, որ Մելբուրնի Բրայթոն թաղամասում պայթյուն և կրակոցներ են հնչել, ինչից հետո անհայտ անձը մի կնոջ է պատանդ վերցրել: Շենքի սրահում հայտնաբերվել է սպանված տղամարդ: Հատուկ գործողության ընթացքում հանցագործը սպանվել է, իսկ կինն ազատվել: Հարձակման պատասխանատվությունը ստանձնել է «Իսլամական պետություն» ահաբեկչական խմբավորումը:










