Մյանմայում կորած ռազմական ինքնաթիռի բեկորները հայտնաբերվել են ծովում

Մյանմայում կորած ռազմական ինքնաթիռի բեկորները հայտնաբերվել են ծովում: Այդ մասին հայտնում է AFP գործակալությունը:

«Այժմ փրկարարները հայտնաբերել են ինքնաթիռի բեկորները ծովում՝ Դավեյ քաղաքից 218 կիլոմետր հեռավորության վրա»,- ասել է Մյանմայի իշխանությունների ներկայացուցիչը:

Պաշտոնյան հավելել է, որ որոնողա-փրկարարական գործողությունը շարունակվում է:

Ավելի վաղ հաղորդվել է, որ Մյանմայում ռադարների էկրաններից ռազմական ինքնաթիռ է անհետացել։ Այն Մյեիկ քաղաքից թռիչք էր իրականացնում դեպի Յանգոն քաղաք: Օդանավակայանում աղբյուրը հայտնել է, որ ինքնաթիռում եղել է 105 ուղևոր և անձնակազմի 11 անդամ: Հաղորդվում է, որ ուղևորները եղել են հիմնականում ափամերձ շրջանում տեղակայված զինվորականների ընտանիքի անդամները: