Վաշինգտոնում ՌԴ առևտրային ներկայացուցչությունում խուզարկություններ են իրականացվել

23:43 • 02.09.17

Խուզարկություններ են սկսվել Վաշինգտոնում ՌԴ առևտրային ներկայացուցչությունում: Այս մասին դեպքի վայրից հաղորդում է РИА Новости-ի թղթակիցը:

 

ՌԴ ԱԳՆ-ն ավելի վաղ հաղորդել էր, որ ԱՄՆ հատուկ ծառայությունները մտադիր են սեպտեմբերի 2-ին խուզարկություն իրականացնել Սան Ֆրանցիսկոյում Ռուսաստանի գլխավոր հյուպատոսությունում, ինչպես նաև դիվանագիտական առաքելության աշխատակիցների բնակարաններում: ԱՄՆ Պետքարտուղարությունում հրաժարվել են մեկնաբանել այս տեղեկությունը:

 

Ինչպես հայտնի էր դարձել նախօրեին, Պետքարտուղարությունը պահանջել էր փակել Սան Ֆրանցիսկոյի ռուսական հյուպատոսությունը՝ այդ որոշումը պատճառաբանելով որպես պատասխան ՌԴ-ում ԱՄՆ դիվանագիտական առաքելության աշխատակիցների թիվը կրճատելու մասին ՌԴ պահանջին:

 

Ռուսաստանն այս գործողություններն անվանել է ոչ բարեկամական քայլ: