Վլադիմիր Գասպարյանը Չարենցավանում նոր ոստիկանապետ է նշանակել
ՀՀ ոստիկանապետ Վլադիմիր Գասպարյանի հրամանով երեկ աշխատանքից ազատվել է Կոտայքի մարզի Չարենցավան քաղաքի ոստիկանապետ Սամվել Տոնոյանը։
Այս մասին լուրը Tert.am-ի հետ զրույցում հաստատեցին ՀՀ ոստիկանության հասարակայնության հետ կապի և լրատվության վարչությունից:
«Ոստիկանապետի հրամանով Չարենցավանի ոստիկանապետ Սամվել Տոնոյանը երկարամյա ծառայության կենսաթոշակի անցնելու պատճառով ազատվել է զբաղեցրած պաշտոնից»,-ասաց ԶԼՄ-ների հետ կապի բաժնի պետ Էդգար Ջանոյանը:
Ոստիկանությունից հայտնեցին, որ Տոնոյանին այս պաշտոնում փոխարինել է Սևանի արդեն նախկին ոստիկանապետ, ոստիկանության գնդապետ Սուրիկ Ջանիկյանը:










