ՌԴ ռեստորաններից մեկում ծեծկռտուքից հետո ՀՀ քաղաքացին կրակել է այցելուի վրա

20:47 • 31.10.17

Ռուսաստանի Նաբերեժնիե Չելնի քաղաքի բնակչին կրծքավանդակի վիրավորմամբ տեղափոխել են հիվանդանոց տեղի ռեստորաններից մեկից:

Ինչպես տեղեկացնում է Kazanfirst կայքը, պարզվել է, որ նրա վրա կրակել է ռեստորանում հանգստացողներից մեկը, ով Հայաստանի քաղաքացի է:

 Միջադեպը տեղի է ունեցել հոկտեմբերի 29-ի ուշ երեկոյան «Բակինսկի դվորի» ռեստորանում:

Իրավապահ մարմինների տվյալներով՝ ռեստորանի այցելուներից երկու խումբ դուրս է եկել փողոց՝ ծխելու համար: Այնտեղ տեղի բնակիչներից մեկը պատահաբար ուսով բախվել է տղամարդուն: Արդյունքում` ծեծկռտուք է տեղի ունեցել, և ՀՀ քաղաքացին ատրճանակից կրակոց է արձակել հակառակորդի ուղղությամբ:

Բուժհաստատությունում կար դնելուց հետո տուժողին տուն են ուղարկել: Ոստիկանություն բողոք գրելուց նա հրաժարվել է: Այժմ քննիչները դիտարկում են «Խուլիգանության» հոդվածով վարույթ սկսելու տարբերակը: