Հնդկաստանի երկաթուղային կայարաններից մեկում 4.5 մետրանոց պիթոն է հայտնաբերվել (տեսանյութ)
Հնդկաստանի Ջամու և Քաշմիր նահանգի Ջամու քաղաքի երկաթուղային կայարանում հսկայական պիթոն է հայտնաբերվել: Այս մասին հայտնում է NDTV հեռուստաալիքը:
Աղբյուրի հաղորդմամբ՝ առնվազն 4.5 մետր երկարությամբ օձը փաթաթվել է հարթակի հիմնասյանը: Արտասովոր տեսարանը ցնցել է բազմաթիվ ուխտավորների, որոնք ուղևորվելիս են եղել Վայնո Դևի Մանդի տաճար՝ Դիվալի փառատոնը նշելու համար:
Ականատեսների պնդմամբ՝ սողունի մասին անմիջապես տեղեկացվել է բնապահպանական ծառայությունը: Դեպքի վայր ժամանած մասնագետները և տեղացիները համատեղ ուժերով բռնել են պիթոնին, տարել նրան անտառ և բաց թողել:










