iPhone X-ի առաջին գնորդները հաջողացրել են մի քանի րոպեում կոտրել 1.000 դոլարանոց սմարթֆոնները (լուսանկարներ, տեսանյութ)
Այսօրվանից՝ նոյեմբերի 3-ից, ամերիկյան Apple տեխնոլոգիական ընկերության iPhone X սմարթֆոնը հայտնվել է վաճառքում, գրում է The Daily Mail-ը՝ նկատելով, որ աշխարհի տարբեր անկյուններում հարյուրավոր մարդիկ օրերով հերթ են կանգնել, որպեսզի առաջինը գնեն 1.000 դոլար արժողությամբ բաղձալի սմարթֆոնը:
Եվ թվում է, որ այսքան երկար սպասելուց ու նման թանկարժեք հեռախոս ստանալուց հետո, գնորդները պետք է անհավանական զգուշություն ցուցաբերեն՝ ապակյա պանելով iPhone X-ը չվնասելու համար: Սակայն համացանցում արդեն տարածվել են մի շարք լուսանկարներ, որոնցում երևում է՝ ինչպես են անզգույշ մարդիկ հեռախոսը գնելուց րոպեներ հետո դրանք ձեռքից գցել ու լուրջ վնասել և՛ էկրանը, և՛ հետին պանելը:
Ոլորտի վերլուծաբանները կանխատեսում են, որ iPhone X-ի պահանջարկը հսկայական է լինելու:
Հավելենք, որ նոր iPhone X-ի գլխավոր առաձնահատկություններն են FaceID դիմաճանաչողական գործառույթն ու TrueDepth գերժամանակակից տեսախցիկը:

















