Ալեքսեյ Նավալնին հայց է ներկայացրել Պուտինի դեմ

17:47 • 03.11.17

Մոսկվայի Տվերի դատարանը գրանցել է Ռուսաստանի նախագահ Վլադիմիր Պուտինի դեմ ընդդիմադիր քաղաքական գործիչ Ալեքսեյ Նավալնիի վարչական հայցը:


Ինչպես «Интерфакс» գործակալությանը հայտնել է դատարանի մամուլի քարտուղար Անաստասիա Դզյուրկոն, դատարան է ներկայացվել հայց Ռուսաստանի նախագահի «գործողությունները և անգործությունը անօրինական ճանաչելու մասին»:


Դատարանը դեռևս չի ընդունել հայցը:


Ռուս ընդդիմադիր գործիչ Ալեքսեյ Նավալնին նոյեմբերի 1-ին հայտարարել է, որ դատի կտա ՌԴ նախագահ Վլադիմիր Պուտինին և նախագահի վարչակազմին: 


Նման որոշման համար պատճառ են հանդիսացել երկրի տարբեր քաղաքներում հանրահավաքներ անցկացնելու հարցում տեղական իշխանությունների կողմից ստացված մերժումը:


Նավալնիի խոսքով՝ տեղական իշխանությունները «գործում են կազմակերպված, համաժամանակյա և Մոսկվայից եկող հրամանի համաձայն»: