«Զվարթնոց» օդանավակայանից բերման է ենթարկվել խարդախության մեղադրանքով հետախուզվող քաղաքացի
Նոյեմբերի 3-ին՝ ժամը 17.35-ին, ոստիկանության «Զվարթնոց» օդանավակայանի գծային բաժնի ծառայողների կողմից ձեռնարկված օպերատիվ-հետախուզական միջոցառումների շնորհիվ, «Թբիլիսի-Երևան» չվերթի ինքնաթիռի ժամանումից հետո գծային բաժին բերման է ենթարկվել 1980 թ. ծնված Արտակ Ա.-ն:
Ըստ Ոստիկանության կայքի՝ վերջինս 2016թ. փետրվարի 13-ից Թալինի բաժնի կողմից հետախուզվում էր ՀՀ քրեական օրենսգրքի 178-րդ հոդվածի 2-րդ մասի 2-րդ կետի մեղադրանքով (Խարդախությունը):
Խափանման միջոց է ընտրվել կալանքը: Արտակ Ա.-ի հայտնաբերման մասին հայտնվել է հետախուզումը նախաձեռնողին:










