Սասունիկում ընտրական գործընթացը պասիվ է, որովհետև մրցակցություն չկա. գյուղապետ

17:30 • 05.11.17

Սասունիկի գյուղապետ Արման Մարգարյանը որևէ զարմանալի բան չի տեսնում նրանում, որ Սասունիկում ընտրողների ամենացածր մասնակցությունն է արձանագրվել այսօր մի շարք համայնքներում անցկացվող տեղական ինքնակառավարման մարմինների ընտրություններին մասնակցության առումով:

«Մրցակցություն չկա, ավագանու 10 անդամ է առաջադրված, որից 9-ը ընտրվում է, երևի  դրա համար  արխային են»,- Tert.am-ի հետ զրույցում հայտնեց Սասունիկի գյուղապետը:

Հիշեցնենք, որ ըստ Կենտրոնական ընտրական հանձնաժողովի՝ այսօր ժամը 14։00–ի դրությամբ հրապարակված տվյալների՝ մասնակցության ամենացածր  ցուցանիշը՝  5.11 % գրանցվել է Արագածոտնի մարզի Սասունիկ համայնքում, որտեղ  2522 ընտրողներից  մասնակցել է 5.11 տոկոսը`129 ընտրող։