Արցախում հակատանկային նռնակի պայթյունից բեկորային վիրավորում ստացած Սերգեյ Ալումյանին տեղափոխել են Երևան

17:27 • 05.11.17

Արցախի զորամասերից մեկում հակատանկային նռնակի պայթյունից բեկորային վիրավորում ստացած Սերգեյ Ալումյանը վիրահատության ենթարկվելուց հետո Ստեփանակերտի հոսպիտալից տեղափոխվել է Երևան՝ ՊՆ կենտրոնական կլինիկական զինվորական հոսպիտալ:

Այս մասին Tert.am –ին հայտնեց Արցախի Պաշտպանության բանակի մամուլի քարտուղար Սենոր Հասրաթյանը:

Հիշեցնենք, որ  նոյեմբերի 4-ին՝ ժամը 12:10-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկում հակատանկային նռնակի պայթյունի հետևանքով մահացու վիրավորում է ստացել ՊԲ զինծառայող, 1997թ. ծնված Հրանտ Խաչատուրի Մանգասարյանը, իսկ զինծառայողներ Գևորգ Վլադիսլավի Հյուսնունցը և Սերգեյ Սևադայի Ալումյանը ստացել են տարբեր աստիճանի բեկորային վիրավորումներ:

Իսկ  վիրավորներից մեկը  շարունակում է մնալ Ստեփանակերտի հոսպիտալում։