Պուչդեմոնը և Կատալոնիայի կառավարության 4 նախկին անդամները հանձնվել են բելգիական ոստիկանությանը. ԶԼՄ-ներ
Կատալոնիայի կառավարության՝ Ժեներալիտետի նախկին ղեկավար Կառլես Պուչդեմոնը և շրջանի կառավարության չորս նախկին անդամները հանձնվել են բելգիական ոստիկանությանը: Այդ մասին բելգիական VRT հանրային հեռարձակող ընկերությանը հայտնել է աղբյուրը, հաղորդում է Associated Press-ը:
Շաբաթ Բելգիայի իշխանությունները հաստատել են, որ ուսումնասիրում են Իսպանիայից ստացած Պուչդեմոնի և նրա աջակիցների ձերբակալության օրդերը:
Ավելի վաղ հաղորդվել է, որ Կառլես Պուչդեմոնը հայտնել է իր ձերբակալության եվրոպական օրդերի առնչությամբ Բելգիայի դատախազության հետ համագործակցելու պատրաստակամության մասին:
Ուրբաթ Իսպանիայի ազգային դատարանը որոշում է կայացրել Պուչդեմոնի, ինչպես նաև Բելգիայում գտնվող մյուս կատալոնացի պաշտոնյաների ձերբակալության համար միջազգային օրդեր հատկացնելու մասին:
Դատարանը նրանց կասկածում է ապստամբության կազմակերպման, պետական միջոցները վատնելու, ծառայողական դիրքի չարաշահման և իշխանություններին չենթարկվելու մեջ:










