Դոնալդ և Մելանյա Թրամփները Ճապոնիայի կայսեր և կայսրուհու հետ հանդիպմանը (լուսանկարներ, տեսանյութ)
Միացյալ Նահանգների նախագահ Դոնալդ Թրամփն առաջին ասիական շրջագայության ընթացքում հանդիպել է Ճապոնիայի կայսր Ակիհիտոյին ու կայսրուհի Միտիկոյին, գրում է The Daily Mail-ը՝ մանրամասնելով, որ 71-ամյա ղեկավարին հանդիպմանն ուղեկցել է առաջին տիկին Մելանյա Թրամփը:
Աղբյուրը նկատում է, որ ի տարբերություն նախկին նախագահ Բարաք Օբամայի, որը Ճապոնիայի կայսեր հետ առաջին հանդիպման ժամանակ խոնարհել էր գլուխը, Թրամփը բավարարվել է միայն ձեռքսեղմումով:
Ասիական շրջագայության ընթացքում ԱՄՆ-ի նախագահին ուղեկցող բարձրաստիճան պաշտոնյաներից մեկը նկատել է, որ Թրամփը չի խոնարհվել, քանի որ դա նրա ոճը չէ:
Հավելենք, որ Ակիհիտո կայսրը պատրաստվում է գահից հրաժարվել 2018թ.:















