Սոչիի հանրակացարաններից մեկում բռնկված հրդեհի հետևանքով զոհվել է մեկ, տուժել 23 մարդ (լուսանկարներ, տեսանյութ)

15:58 • 14.11.17

Ռուսական Սոչի քաղաքի հանրակացարաններից մեկում բռնկված հրդեհի հետևանքով տուժել է 23 մարդ՝ այդ թվում նաև 2 երեխա, հայտնում է gazeta.ru-ն՝ քաղաքապետարանի առողջապահության վարչության պետ Մարինա Վարդազարյանին հղումով:

«Տուժածների թիվը հասել է 23-ի, նրանցից 2-ը մանկական բաժանմունքում են»,-ասել է Վարդազարյանը:

Հիշեցնենք, որ ավելի վաղ հաղորդվում էր 15 տուժածի և մեկ զոհի մասին: Նշվում է, որ մահացածը 50-ն անց կին էր, որը չի կարողացել փրկվել կաթվածահար վիճակում գտնվելու պատճառով:

Ria.ru-ն հավելում է, որ հրդեհված 5 հարկանի շենքից փրկարարները տարհանել են 50 մարդու:

Հայտնի է, որ կրակն արդեն մարվել է: Ենթադրվում է, որ հրդեհի բռնկման պատճառ կարող էր լինել էլեկտրալարերում եղած կարճ միացումը: Չի բացառվում նաև շինությունը միտումնավոր հրկիզելու տարբերակը:

 

Картинки по запросу В Сочи при пожаре в общежитии

Картинки по запросу В Сочи при пожаре в общежитии

Картинки по запросу В Сочи при пожаре в общежитии