Xiaomi-ն դարձել է գլխավոր սմարթֆոն վաճառողը Հնդկաստանում

22:39 • 14.11.17

Չինական Xiaomi ընկերությունն առաջատարն է դարձել Հնդկաստանի շուկա սմարթֆոն մատակարարողների շարքում:

Ինչպես հաղորդում է life.ru-ն, նախկին առաջատար Samsung-ը հայտնվել է երկրորդ հորիզոնականում: Չինական ապրանքանիշի փոխնախագահ Մանու Ջեյնի խոսքով՝ 2017 թվականի երրորդ եռամսյակի ընթացքում ընկերությունը 9.2 մլն գաջեթ է վաճառել Հնդկաստանում՝ 300 տոկոս աճ գրանցելով նախորդ տարվա համեմատ: Վիճակագրության համաձայն՝ չինացիներն ու կորեացիները գրեթե հավասար մասնաբաժին ունեն տեղի շուկայում՝ 23.5-ական տոկոս:

Փորձագետների կարծիքով՝ Xiaomi-ն աշխատում է քանակի վրա և ցածր գներ է առաջարկում. ըստ գնահատումների՝ Հնդկաստանում չինական սմարթֆոնների արժեքը տատանվում է 6000 -15 000 ռուպիի սահմանում: