Ներգաղթյալների հայտնաբերման հարցում Լիբիային ԵՄ-ի օգնելու քաղաքականությունն «անմարդկային» է. ՄԱԿ
Միջերկրական ծովը հատելու փորձ անող ներգաղթյալներին հայտնաբերելու և նրանց ձերբակալելու հարցում Լիբիայի իշխանություններին օգնելու Եվրամիության քաղաքականությունն «անմարդկային» է: Այդ մասին հայտարարել է ՄԱԿ-ը, հաղորդում է BBC-ն:
ՄԱԿ-ի Մարդու իրավունքների հարցերով գերագույն հանձնակատար Զեյդ Ռաադ ալ Հուսեյնը մեղադրել է եվրոպական երկրներին Լիբիայի հետ ձեռքբերված պայմանավորվածության վերաբերյալ նախազգուշացումներն արհամարհելու համար:
Իշխանությունները հայտնել են, որ դրա հետևանքով՝ ձերբակալվածների թիվը կտրուկ աճել է՝ հասնելով մոտ 20 000-ի:
Զեյդ Ռաադ ալ Հուսեյնը նշել է, որ Լիբիայումձ երբակալվածները պահվում են անմարդկային պայմաններում՝ առանց առաջին անհրաժեշտության պարագաների հասանելության:
«Արդեն իսկ սարսափելի իրավիճակն այժմ աղետալի է դարձել»,- ասել է Հուսեյնը՝ կոչ անելով միջազգային համայնքին աչքերը չփակել խնդրի վրա:










