ՄԱԿ-ում Ռուսաստանը 10-րդ անգամ արգելափակել է Սիրիայի հարցով ԱՄՆ-ի բանաձևը
Ռուսաստանը ՄԱԿ-ի Անվտանգության խորհրդում արգելափակել է ՄԱԿ-ի և Քիմիական զենքն արգելող կազմակերպության (ՔԶԱԿ)՝ Սիրիայում քիմիական հարձակումների հետաքննության շուրջ համատեղ առաքելության մանդատը երկարաձգելու մասին ԱՄՆ-ի ներկայացրած բանաձևի նախագիծը:
Ինչպես տեղեկացնում է BBC-ն, սա տասներորդ ռուսական վետոն է Սիրիայում 2011-ին սկսված պատերազմից մեկնարկից ի վեր: Քվեարկության ընթացքում ամերիկյան բանաձևը 11 ձայն է հավաքել 9 անհրաժեշտից, սակայն Ռուսաստանը, որը դեմ է հանդես եկել, օգտվել է վետոյի իր իրավունքից: Բանաձևի նախագիծը, որը պատրաստել էր ԱՄՆ-ն, հրաժարվել է պաշտպանել նաև Բոլիվիան, Չինաստանն ու Եգիպտոսը ձեռնպահ են մնացել:
Ռուսաստանն իր հերթին Անվտանգության խորհրդի դիտարկմանն է ներկայացրել ՄԱԿ-ի և ՔԶԱԿ-ի համատեղ առաքելության երկարաձգման իր տարբերակը, սակայն քվեարկության մեկնարկից առաջ Ռուսաստանի մշտական ներկայացուցիչ Վասիլի Նեբենզյան հայտարարել է փաստաթուղթը հետ կանչելու մասին:
Այդ քայլի համար պատճառ է հանդիսացել բանաձևերի դիտարկման կարգի մասին Մոսկվայի խնդրանքը մերժումը: Ռուսաստանը ցանկանում էր, որ առաջինը դիտարկվի ամերիկյան բանաձևը:
Այսպիսով, ՄԱԿ-ի Անվտանգության խորհուրդը չի կարողացել երկարաձգել առաքելության մանդատը, որի լիազորության ժամկետը լրացել է այսօր:










