Մադագասկարում ժանտախտով վարակված հիվանդները փախչում են հիվանդանոցից՝ ասեղից վախենալու պատճառով

20:14 • 19.11.17

Մադագասկարում ժանտախտով վարակված հիվանդները փախչում ենք հիվանդանոցից, որովհետև վախենում են ասեղներից և սովոր չեն հիվանդանոցում մնալուն: 

Ինչպես հայտնում է Daily Mail-ը, հիվանդանոցից նրանց փախուստը կարող է հանգեցնել հիվանդության տարածմանը երկրով մեկ: Երկրի մայրաքաղաք Անտանանարիվուի Կենտրոնական հակաժանտախտային հիվանդանոցի անվտանգության աշխատակիցները փորձում են կանգնեցնել փախչող հիվանդներին: Նմանատիպ փախուստի առաջին դեպքը գրանցվել է հոկտեմբերին, սակայն փախուստի դիմած հիվանդին հաջողվել էր ետ բերել: 

ՅՈւՆԻՍԵՖ-ի ներկայացուցչի խոսքով՝ հիվանդներից ոմանք սարսափում են ասեղներից:

Մահացու հիվանդությամբ վարակվածներից յուրաքանչյուրի հետ շփված անձանց ևս բուժում է հարկավոր:

Առողջապահության համաշխարհային կազմակերպության տվյալներով երկրում վարակի պատճառով մահացության դեպքերի թիվը հասել է 171-ի: