ՌԴ ՊՆ-ն հրապարակել է Սիրիայում ԻՊ-ի դիրքերի ուղղությամբ Ту-22М3 ռմբակոծիչների ավիահարվածի տեսանյութը

22:07 • 26.11.17

Ռուսաստանի պաշտպանության նախարարությունը հրապարակել է ՌԴ ռազմատիեզերական ուժերին պատկանող Ту-22М3 ռմբակոծիչների՝ Դեր Զորում «Իսլամական պետություն» խմբավորման դիրքերին հասցված ավիահարվածի տեսանյութը:

Ինչպես հայտնում է РИА Новости-ն, գերատեսչության հրապարակած տեսանյութում երևում է, թե ինչպես են ռմբակոծիչները թռիչքի պահին ռումբեր նետում:

Ավելի վաղ նախարարությունը հաղորդել էր, որ կիրակի վեց հեռահար ռմբակոծիչներ խմբակային ավիահարված են հասցրել ԻՊ-ի կառույցների ուղղությամբ Սիրիայի Դեր Զոր նահանգում:

Ինչպես նշվում է, ինքնաթիռներն օդ են բարձրացել Ռուսաստանի տարածքից:

Արևահարվածների արդյունքում խոցվել են ահաբեկիչների հենակետերը և կենդանի ուժի կուտակումները Եփրատ գետի հովտում: