Ավստրալիայում հաշված վայրկյանների ընթացքում հարբած կնոջը փրկել են արագընթաց գնացքի տակ ընկնելուց (տեսանյութ)
Reuters գործակալությունը հրապարակել է ուշագրավ տեսանյութ, որն արվել է Ավստրալիայում ու ցույց է տալիս՝ ինչպես են կայարանի աշխատակիցները հաշված վայրկյանների ընթացքում հարբած կնոջը փրկում արագընթաց գնացքի տակ ընկնելուց:
Ֆիքսված կադրերում երևում է, որ ոչ սթափ վիճակում գտնվող կինը, հավանաբար ճանապարհը կրճատելու նպատակով, որոշում է անցնել երկաթգծով, սակայն չի հաշվարկում, որ գնացքը կարող է ամեն վայրկյան գալ:
Սկզբում նա օգնություն է խնդրում կայարանում գտնվող մի տղամարդուց, որին չի հաջողվում դուրս հանել կնոջը: Տեսնելով արագ սլացող գնացքը՝ օգնության են շտապում կայարանի 3 աշխատակից, որոնք գնացքի հետ բախումից վայրկյան առաջ հաջողացնում են փրկել անզգույշ կնոջը:










