Մարգարիտա Սիմոնյանն ու Տիգրան Քեոսայանն ընթրել են կինոռեժիսոր Օլիվեր Սթոունի հետ
Russia Today հեռուստաալիքի գլխավոր խմբագիր Մարգարիտա Սիմոնյանն ու ամուսինը՝ ռուսաստանաբնակ կինոռեժիսոր Տիգրան Քեոսայանը, մոսկովյան ռեստորաններից մեկում ընթրել են հոլիվուդյան հայտնի կինոռեժիսոր Օլիվեր Սթոունի հետ:
Սիմոնյանը հաճելի երեկոյից լուսանկար է հրապարակել իր թվիթերյան էջում:
«Մոսկովյան լավ ռեստորաններից մեկում ընթրեցինք Օլիվեր Սթոունի հետ: Քննարկեցինք սախալինյան ոստրեներն ու ռուսական պատմությունը, որի մասին նա, բարեբախտաբար կամ ցավոք, գիտի ավելին, քան մեզնից շատերը»,-լուսանկարին կից գրել է Սիմոնյանը:
Հիշեցնենք, որ վերջին շրջանում Սթոունին և Ռուսաստանին շատ բան է կապում: Հոլիվուդյան ռեժիսորը բազմաթիվ հանդիպումներ է ունեցել Ռուսաստանի Դաշնության նախագահ Վլադիմիր Պուտինի հետ, հարցազրույցներ անցկացրել նրա հետ ու դրանց հիման վրա ՌԴ ղեկավարի մասին ֆիլմ նկարահանել:
Վերջերս Սթոունը հայտարարել էր, որ իր ճանաչած Պուտինը միանգամայն տարբերվում է արևմտյան լրատվամիջոցներում ներկայացված «չար բռնապետից»:










