Սաակաշվիլին հայտարարել է, որ պատրաստ է Վրաստանում բանտ նստել

10:06 • 04.12.17

Վրաստանի նախկին նախագահ, Ուկրաինայի Օդեսա շրջանի նախկին նահանգապետ Միխեիլ Սաակաշվիլին հայտարարել է, որ Ուկրաինայի հատուկ ծառայությունները կարող են արտահանձնել իրեն արդեն հաջորդ շաբաթ, այդ դեպքում նա նախընտրում է վերադառնալ Վրաստան, այլ ոչ արտաքսվել Եվրոպա, հաղորդում է «ՌԻԱ Նովոստի»-ն:


«Նրանք պատրաստվում են ինձ վռնդել երկրից, վրացական, ռուսական և ուկրաինական հատուկ ծառայությունները համատեղ հատուկ գործողություն ունեն: Եթե նրանք անգամ ինձ դուրս հանեն հաջորդ շաբաթ… Եվ, իմիջիայլոց, նրանք ցանկանում են այսպես անել, ցանկանում են ինձ բռնել և ասել՝ «քո դեմ ահա Վրաստանում գործեր կան, մենք առաջարկում ենք քեզ Լեհաստան կամ Հոլանդիա», ես կասեմ, որ գնում եմ Վրաստան»,- ասել է Սաակաշվիլին կիրակի երեկոյան NewsOne ուկրաինական հեռուստաալիքի եթերում:


Նախկին նահանգապետը նշել է, որ պատրաստ է Վրաստանում բանտ նստել:


«Անգամ եթե ինձ դուրս հանեն, անգամ եթե ինձ բանտ գցեն հորինված մեղադրանքներով, ես գիտեմ, որ սադրանք է պատրաստվում»,- ասել է նա: