Սաակաշվիլիի տան մոտ բախումներ են տեղի ունենում (լուսանկարներ, տեսանյութ)

12:57 • 05.12.17

Վրաստանի նախկին նախագահ, Ուկրաինայի Օդեսա շրջանի նախկին նահանգապետ Միխեիլ Սաակաշվիլիի տան մոտ, որտեղ այսօր Ուկրաինայի անվտանգության ծառայության աշխատակիցները խուզարկում են իրականացրել և ձերբակալել քաղաքական գործչին, բախումներ են տեղի ունենում ցուցարարների և ոստիկանության միջև: Այդ մասին հայտնում է LIGA.net-ը:


Սաակաշվիլիի աջակիցները փորձել են արգելափակել իրավապահներին մուտքի մոտ աղբամանների և այլ իրերի միջոցով: Ոստիկանությունը փորձում է բացել ճանապարհը:


Լրատվամիջոցը հայտնում է, որ ցուցարարները նաև 7 անվադող են բերում տարածք: Ցուցարարները քարեր են նետել իրավապահների մեքենայի ուղղությամբ:


Հաղորդվում է, որ իրավապահները փորձում են տանել Սաակաշվիլիին իրենց մեքենայով, իսկ ցուցարարները փորձում են փակել մեքենայի ճանապարհը:


Հիշեցնենք, որ քաղաքական գործչի փաստաբանը հայտարարել է, որ Միխեիլ Սաակաշվիլին մեղադրվում է Ուկրաինայում պետական հեղաշրջում իրականացնելու փորձի համար:


Պավել Բոգոմազովի փոխանցմամբ՝ «Նոր ուժերի շարժում» կուսակցության առաջնորդի տանն այսօր առավոտյան խուզարկություն է անցկացվել:


«Սաակաշվիլիին մեղադրում են սահմանադրական կարգի տապալման փորձի համար»,- նշել է փաստաբանը: