Լաթաքիայի բնակիչները խնդությամբ են ողջունել Սիրիայի՝ ԻՊ-ից ազատագրման լուրը

23:14 • 07.12.17

Սիրիական Լաթաքիայի բնակիչները խնդությամբ են ողջունել երկրում «Իսլամական պետություն» ահաբեկչական խմբավորման գրոհայիններին տապալելու մասին լուրը:

Ինչպես հայտնում է РИА Новости-ն, քաղաքի կենտրոնում նվագախումբը տոնական երաժշտություն է նվագում: Քաղաքացիներից շատերը փողոց են դուրս եկել տոնելու ուրախ իրադարձությունը: Նրանցից շատերը սիրիական և ռուսական դրոշներ են դուրս բերել իրենց հետ, ինչպես նաև երկրի նախագահ Բաշար ալ-Ասադի և ՌԴ նախագահ Վլադիմիր Պուտինի նկարները: Նրանց շարքերում մեծ թվով ուսանողներ կան:

«Շնորհակալություն Սիրիայի և Ռուսաստանի բանակներին: Ձեր շնորհիվ է մեր երկրում խաղաղություն հաստատվում», - լրագրողներին ասել է ուսանողներից մեկը:

Տոնական համերգ է տեղի ունենում քաղաքային մշակութային կենտրոնում: