Վիեննայում կայացած հանդիպմանն Է. Նալբանդյանն ու Ս. Լավրովն անդրադարձել են ԼՂ հարցի խաղաղ կարգավորման գործընթացին

17:37 • 08.12.17

Վիեննայում ԵԱՀԿ արտգործնախարարների խորհրդի 24-րդ նիստի աշխատանքներին մասնակցող ԱԳ նախարար Էդվարդ Նալբանդյանը հանդիպում է ունեցել Ռուսաստանի արտգործնախարար Սերգեյ Լավրովի հետ:

Այս մասին հայտնում են ՀՀ ԱԳՆ լրատվական ծառայությունից։

Հանդիպմանն արտգործնախարարները քննարկել են Հայաստանի և Ռուսաստանի հարաբերությունների օրակարգային հարցեր, անդրադարձել երկու երկրների ղեկավարների միջև ձեռքբերված պայմանավորվածությունների կատարման ընթացքին:

Հայաստանի և Ռուսաստանի արտգործնախարարները մտքեր են փոխանակել ԵԱՀԿ գործունեության տարբեր ուղղությունների շուրջ։

Էդվարդ Նալբանդյանն ու Սերգեյ Լավրովն անդրադարձել են ղարաբաղյան հիմնախնդրի խաղաղ կարգավորման գործընթացին։