Էդվարդ Նալբանդյանն ընդունել է «Հայաստանի եվրոպացի բարեկամներ» կազմակերպության նախագահին
ՀՀ ԱԳ նախարար Էդվարդ Նալբանդյանն ընդունել է «Հայաստանի եվրոպացի բարեկամներ» կազմակերպության ղեկավար Դիոգո Պինտոյին:
Այս մասին հայտնում են ՀՀ ԱԳՆ լրատվական ծառայությունից։
Ողջունելով հյուրին՝ Էդվարդ Նալբանդյանը կարևորել է «Հայաստանի եվրոպացի բարեկամներ» կազմակերպության գործունեությունը Հայաստանի և Եվրամիության միջև կապերի խորացման գործում:
Շնորհակալություն հայտնելով ընդունելության համար՝ Դիոգո Պինտոն ներկայացրել է կազմակերպության ընթացիկ աշխատանքներն ու առաջիկայի ծրագրերը:
Հանդիպման ընթացքում քննարկվել են ՀՀ և ԵՄ հարաբերություններին առնչվող հարցեր, մտքեր են փոխանակվել Համապարփակ և ընդլայնված գործընկերության համաձայնագրից բխող ակնկալիքների վերաբերյալ:










