«Պուտին բայ-բայ», թե «Պուտին բաբայ». ՌԴ նախագահը շփոթել է թաթարերենն ու անգլերենը

13:50 • 14.12.17

Մոսկվայի միջազգային առևտրի կենտրոնում շարունակվում է Ռուսաստանի Դաշնության նախագահ Վլադիմիր Պուտինի ավանդական տարեվերջյան մեծ մամուլի ասուլիսը:

Ասուլիսի ժամանակ ՌԴ նախագահը զվարճացրել է ներկաներին՝ շփոթելով «բայ-բայ» բառը թաթարերեն «բաբայ»-ի հետ, ինչը նշանակում է «պապիկ»:

Պատասխանելով հարցերից մեկին՝ Պուտինը հիշել է, որ ասուլիսի սկզբում նկատել է «Պուտին բայ-բայ» գրությամբ պաստառ ու հրավիրել բոլորի ուշադրությունը պաստառը պահող կնոջ վրա: Մինչդեռ, երբ պարզվել է, որ Ռուսաստանի առաջնորդը սխալ է կարդացել գրությունը՝ դահլիճը ցնծացել է ծիծաղից:

Թաթարստանից ժամանած լրագրողը պատմել է, որ «բաբայ» թաթարերեն նշանակում է «պապիկ» և որ հենց այդպես են իրենց մոտ անվանում Պուտինին փոքր երեխաները:

Հայտնի է, որ նախագահը մի քանի ժամվա ընթացքում պատասխանելու է լրատվամիջոցների ներկայացուցիչների՝ Ռուսաստանի ներքին գործերին, արտաքին քաղաքականությանն ու միջազգային թեմաներին առնչվող հարցերին: